ÁMBITO NATURAL E SOCIAL

  “A pegada dos cosméticos. Coñecer para transformar” é unha tarefa que abarca todo o curso en todos os niveis educativos do ámbito Natural e Social que ten 3 obxectivos principais: -        Coñecer o impacto dos cosméticos no medio ambiente. -        Buscar solucións para reducir a pegada dos cosméticos no medio ambiente. -        Crear cosméticos ecolóxicos e respectuosos co medio ambiente.   A tarefa organízase en tres fases, unha para cada trimestre: -        No primeiro trimestre investigamos sobre o impacto dos cosméticos no medio ambiente a partir dunha noticia de actualidade. A noticia informa sobre catro aspectos clave: saúde, probas crueis en animais, emisións de CO2 pola produción de envases dun so uso e microplásticos. -        No segundo trimestre,   buscamos boas prácticas e expertas e/ou expertos que nos axuden a elaborar cosméticos ecolóxicos e respectuosos co medio ambiente. -        Por último, no terceiro trimestre traballamos a organización e posta

Esta tarefa comezamos descubrindo unha personaxe que nos acompañou ao longo de todo o trimestre. Chamábase Planti, enviounos videos, cartas... onde explicaba certas misións que tiñamos que resolver para aprender sobre as súas amigas as plantas aromáticas: Herbaluísa, Romeu, Menta e Lavanda.  Con todo isto conseguimos aprender sobre a importancia de facer un tipo de cosmética máis respetuosa co planeta no que vivimos e sobretodo co noso propio autocoidado diario.  No ámbito Natural e Social de infantil creamos a nosa propia crema de Romeu, aceite de oliva e cera de abella. Ademais, tamén aprendimos a coidar o corpor por dentro e elaboramos Auga detox con limón, pepino e menta. Todas as receitas quedaron xenial e son moi boas para coidar o noso corpo e contaminar menos.  Con Planti fomos conscientes de que as plantas serven para moitas cousas e que temos que tratar de utilizalas na nosa vida diaria. Sabemos que teñen diversos usos e que todos eses son moi beneficiosos para o ser humano. 

No primeiro trimestre o alumnado de infantil estivo investigando sobre a contaminación do mar.  Comezamos por observar certas imaxes que nos evocaban a sentir rexeitamento pola situación actual dos nosos mares e praias.  Despois, pasamos a facer experimentos diversos que nos daban pé a comprender o que está acontecendo e a tratar de buscar novas solucións que nos permitan ser máis ecolóxicos coma por exemplo o plástico ecolóxico que fixemos na aula.  Deixamos un video a modo de resumo: