🎥 Equipo de investigación (5º e 6º): ACTÍVA-T TUI! ♻️
Despois de explorar os ecosistemas da nosa contorna no primeiro trimestre e ver a contaminación que había en todos eles, en 5º e 6º de educación primaria decidimos poñernos máns a obra. 🙌🏼
Ao comezar esta segunda tarefa do ámbito, chegamos á aula e atopamos lixo! Ao principio, sorprendeunos e incluso algúns de nós ao principio non sabiamos que facer. Finalmente, en equipos recollemos todo e o separamos nos diferentes contenedores co fin de reciclar... e foi nese momento cando descubrimos algunhas cousas que descoñeciamos ata entón, como que os envases dos medicamentos deben levarse á farmacia (o punto Sigre)!
En círculo, reflexionamos sobre a relación do que acababamos de vivir na aula e o que acontecía en Tui, o que observamos na primeira tarefa, e así foi como nos puxemos en acción.
O primeiro paso que demos foi crear enquisas para coñecer os hábitos dos nosos veciños e veciñas, así como as súas preocupacións respecto ao medioambiente 🌳. E, como somos ben curiosos e curiosas, decidimos dar un paso máis e saír ás rúas na procura de información de primeira man. Así, convertémonos en periodistas por un día e gravamos o noso propio 🎥 "Equipo de investigación"! 🔎
Máis tarde, analizamos os datos das enquisas, creamos gráficos e mesmo elaboramos un informe! 📊
Desta forma, recopilamos toda a información que recollemos no proceso e extraímos as nosas conclusións. Queredes saber o que atopamos? A continuación deixámosvos algunhas mostras.
Coñecer o que estaba a acontecer na nosa contorna e non facer nada ao respecto non era unha opción, así que puxémonos mans á obra. Escribimos instancias ao Concello e mesmo á Xunta de Galicia, co fin de dar difusión ás nosas e investigacións e converternos en activistas! Como? Invitando a tod@s a participar nunha gran recollida de lixo durante o terceiro trimestre. ♻️🤝
Pensamos globalmente... e actuamos localmente!
Xunt@s, somos máis fortes!!! 💪🏻
Comentarios
Publicar un comentario