TAREFA 1 INFANTIL. E TI COÑECES TUI?

-

Pois aqui estamos de novo cunha nova tarefa do ámbito Natural e social dxs anaxs de infantil. 

Neste curso atopámonos outra vez inmersos no programa Escola Verde do Plan Proxecta da Consellería de Educación. 

Esta tarefa deu comezo da man de Ecocan, un personaxe que nos enviará diferentes #Ecoretos a completar para chegar a ser activistas medioambientais ao final de curso. 



O Obxectivo que perseguemos nesta tarefa foi que o alumnado fora consciente das necesidades existentes na súa cidade con respecto ao medio natural (flora, fauna) e o medio urbano (contaminación). Para isto, convertéronse en fotógrafos e fotógrafas e saimos pola nosa cidade en busca de imaxes que nos axudaran a entender mellor a situación de partida e o que está acontecendo na nosa vila. 

Os resultados non foron os esperados, xa que ningúen contaba que houbera tanta contaminación. Deste xeito, decidimos que Tui precisa un cambio e que nós imos ser parte dese cambio: "Pensando globalmente e actuando localmente". Imos a actuar na nosa cidade de maneira que consigamos facer un movemento activo relacionado co coidado medioambiental. Xa vos seguiremos contando xa!!!!

O alumnado tamén investigou nos libros e buscamos información relevante antes da saída, así coma en diferentes soportes (imaxes, ipads...). Podedes consultar os seguintes links se queredes ver a información en formato dixital, a cal tamén consultou o alumnado nas aulas: 

https://www.thinglink.com/scene/1506407660289785858 FAUNA DE TUI

https://www.thinglink.com/scene/1506406367416549378 FLORA DE TUI

https://www.thinglink.com/scene/1506406964614135809 CONTAMINACIÓN EN TUI


Por outra banda tamén desfrutamos de actividades sensoriais, sendo conscientes de que o ser humano para vivir precisa moitas cousas do medio. Traballamos en catro estacións: Escoito, Vexo e probo, Toco e por último, Cheiro. Na seguinte entrada do instagram do cole pódense consultar algunhas fotografías: 

https://www.instagram.com/p/CWdnRF3MgPs/?utm_medium=copy_link 

Por último preparamos a nosa exposición e colgamos as fotografías polo cole adiante. 

Aquí deixamos un mini video resumo das actividades realizadas polo alumnado de infantil durante este primeiro trimestre: 


Ao remate da tarefa a clase azul recibiu un video de noraboa de parte de Ecocan 😛😉😉



Comentarios

Publicar un comentario

Entradas populares de este blog

SEGUNDA TAREFA: OBXECTIVO PEQUEGRINOS DO Nº1 (infantil e primeiro)

-
Imagen
Na segunda tarefa do ámbito o alumnado de infantil e primeiro de primaria continuamos investigando sobre o Camiño de Santiago e o seu paso pola nosa cidade: Tui.  Descubrimos que en Tui hai moitos albergues para peregrinos e visitamos Ideas Peregrinas  Link á web do Albergue  Aqui nos recibiu Silvana, mamá do cole, quen nos ensinou cada recuncho do albergue e nos explicou con detalle a vida do peregrino cando está no albergue.  No ámbito natural e social tamén aprendemos a importancia do descanso para os peregrinos así coma da alimentación saudable. Por iso tamén fixemos un almorzo peregrino na clase.  Todo isto e moito máis no video que vos deixamos a continuación: 
Leer más

RESUMO DAS TAREFAS LEVADAS A CABO POLO ALUMNADO DE 1º E 2º DE E.P, VINCULADAS Á ELABORACIÓN DUNHA GUÍA PARA O HORTO ECOLÓXICO´´

-
Imagen
AS SEMENTES (Despegando pero cos pes na terra)🌱 Durante este primeiro trimestre e co fin de elaborar unha guía de boas prácticas para o horto ecolóxico, o alumnado de 1º e 2º de primaria, investigou arreo sobre as sementes. Leváron a cabo moitas tarefas, todas elas mediante traballo en equipos e aprendizaxe cooperativo, polo que a continuación presentase un pequeno resumo das mesmas: Primeiro buscaron as pistas que lles deixou un marciano no horto da escola sobre a tarefa que tiñan asignada no ámbito e alí atoparon unhas cartolinas que recollían a mensaxe: ¿Como nace unha planta?  A esa pregunta deron resposta, dialogando entre os membros dos equipos e recollendo os seus coñecementos previos mediante debuxos e palabras nun folio. A través de vídeos, libros e contos, indagaron sobre a xerminación, as partes dunha planta, o que precisan estas para vivir, e foron expresando todo o que ían aprendendo en diversos soportes e expoñendo os mesmos ante o grupo. Descubriron que cada planta debe
Leer más

🎥 Equipo de investigación (5º e 6º): ACTÍVA-T TUI! ♻️

-
Imagen
Despois de explorar os ecosistemas da nosa contorna no primeiro trimestre e ver a contaminación que había en todos eles, en 5º e 6º de educación primaria decidimos poñernos máns a obra. 🙌🏼 Ao comezar esta segunda tarefa do ámbito, chegamos á aula e atopamos lixo! Ao principio, sorprendeunos e incluso algúns de nós ao principio non sabiamos que facer. Finalmente, en equipos recollemos todo e o separamos nos diferentes contenedores co fin de reciclar... e foi nese momento cando descubrimos algunhas cousas que descoñeciamos ata entón, como que os envases dos medicamentos deben levarse á farmacia (o punto Sigre)! En círculo, reflexionamos sobre a relación do que acababamos de vivir na aula e o que acontecía en Tui, o que observamos na primeira tarefa, e así foi como nos puxemos en acción.  O primeiro paso que demos foi crear enquisas para coñecer os hábitos dos nosos veciños e veciñas, así como as súas preocupacións respecto ao medioambiente 🌳. E, como somos ben curiosos e curiosas, dec
Leer más