Durante este trimestre, o alumnado de 1º e 2º de EP afondou
dende o ámbito natural e social, nos bos e malos hábitos para o coidado e a
sostibilidade do noso planeta co fin de encher dende o centro unha cápsula do
tempo na que recolleron mensaxes con consellos sobre emprego dos nosos bens e o
coidado do contorno para os estudantes do futuro!!. A continuación recóllense
algunhas das actividades que levaron a cabo:
👉DETECTIVES NA CASA E DETECTIVES NA ESCOLA
Durante o Nadal, recibiron unha mensaxe do seu amigo o extraterrestre
no que lles daba instrución para comezar a segunda misión do ámbito e no que
lles pedía facer de ``detectives pola casa´´, recollendo probas a través de
fotos de malas prácticas de cara ao coidado do medio ambiente. A volta das
vacacións analizaron na clase as fotografías que tomaron e as accións que nelas
se representaba, sacando as súas conclusións sobre as mesmas.
Como creemos que o aprendizaxe debe ter lugar a través da
experimentación e no entorno mais próximo, entregámoslles unhas insignias de
detectives e coas tablets e as carpeta de notas nas mans, foron en equipos
polas diferentes zonas da escola para comprobar e recoller probas de
practicas non sostibles que se leven a cabo polos mestres e o alumnado !! Tras
analizar os feitos observados, elaboraron carteis para sensibilizar á
comunidade educativa sobre a importancia de coidar o planeta!!
👉 AS MALAS NOVAS
Investigaron e leron noticias de prensa relacionadas coa contaminación
da auga en rios e no mar, concretamente unha versaba sobre como chegou fai anos
a contaminación ao Penedo, zona frecuentada habitualmente por eles/as e a outra
sobre o Prestixe e tamén leron o conto ``Ra de tres ollos´´.
👉EXPERIMENTOS
Fixeron de científicos e levaron a cabo dous experimentos: Un sobre á
contaminación de petróleo no océano e o outro sobre o consumo da auga nos que
tiveron que razoar e explicar o proceso experimentado e polo tanto traballar en
equipo, facer estimacións e operacións matemáticas e recoller datos.
|
``A contaminación no oceano´´ |
👉 ENCHERON A CÁPSULA COS MENSAXES SOSTIBLES E LOGO ENTERRARONA NA PARCELA DO CENTRO!!
Comentarios
Publicar un comentario